ပြီးခဲ့တဲ့ May လလယ်လောက်က ပြင်သစ်နိုင်ငံ Cannes မြို့ မှာနှစ်စဉ်ကျင်းပလေ့ရှိတဲ့ 71st နှစ်မြောက် Cannes ရုပ်ရှင်ပွဲတော်ကျင်းပခဲ့တယ်။ ထိုရုပ်ရှင်ပွဲတော်မှာ အကြီးမားဆုံးဆုဖြစ်တဲ့ Palme d'Or ဆုကို ဂျပန်နိုင်ငံက ရုပ်ရှင်ဇာတ်ကားတစ်ကား ဖြစ်တဲ့ Shoplifters ဆိုတဲ့ဇာတ်ကားတစ်ကားက ဆွတ်ခူးသွားတယ်။ ဒီမှာတင် ကမ္ဘာအနှံ့ က ရုပ်ရှင်ချစ်သူတိုင်းက ထိုဇာတ်ကားကို အာရုံစိုက်လာကြတယ်။ ဒါနဲ့ ဒီဇာတ်ကားကို လူတိုင်းသိသွားကြပြီး အခုလည်း အကယ်ဒမီပေးပွဲအတွက် နိုင်ငံခြားဘာသာစကားပြော ရုပ်ရှင်စာရင်းမှာ လျာထားခံနေရတဲ့အထိ အောင်မြင်မှုတွေဟာ မရပ်တန့် နိုင်ပဲ ဖြစ်နေတုန်းပဲ။ ဇာတ်ကားအစမှာ လူကြီးတစ်ယောက်နဲ့ ကောင်လေးတစ် ယောက်ကို ကုန်စုံဆိုင်တစ်ဆိုင်ထဲမှာ ကျွန်တော်တို့ တွေ့ ကြရတယ်။ သူတို့ နှစ်ယောက်က အချင်းချင်းတော့ စကားမပြောကြဘူး။ ဒါပေမဲ့ မျက်လုံးတွေနဲ့ အချက်ပြကြပြီး အချိတ်အဆက်နဲ့ ပြကြတယ်။ ဒါဟာ ဘာပဲဖြစ်ဖြစ် သူတို့ နှစ်ယောက်အတွက်တော့ ပထမဆုံးအကြိမ်မဖြစ်နိုင်ဘူး။ လုပ်နေကြ အလုပ်တစ်ခုကို လုပ်နေကြသလိုပဲ။ အမှားအယွင်းကို မတွေ့ ရဘူး။ သူတို့ ကိုယ်သူတို့ လည်း ယုံကြည်ကြပုံပဲ။ ကုန်စုံဆိုင်ရဲ့ ပစ္စည်းတန်းတွေကြားမှာ ဖြေးဖြေးချင်းသွားလာနေကြတဲ့ သူတို့ နှစ်ယောက်ကို ကြည့်ရင်း နောက်တော့ ကျွန်တော်တို့ သိလာကြတယ်။ သူတို့ က ထိုဆိုင်က ပစ္စည်းတွေကို ခိုးယူနေကြတာပဲ။ ဒါပေမဲ့ ကြည့်နေစဉ်အတွင်းမှာပဲ ဘာကိုရိပ်မိသွားသလဲဆိုတော့ သူတို့ အခုလို ခိုးယူနေကြတာဟာ သူတို့ အသက်ဆက်ရှင်ဖို့ မလုပ်မနေ လုပ်နေရတဲ့အရာတစ်ခုပဲ ဆိုတာ။ ဒီိလိုနဲ့ သူတို့ အိမ်အပြန်လမ်းမှာ အိမ်ရှေ့ တစ်ခုမှာ ထွက်ရပ်နေတဲ့ ကလေးမလေးတစ်ယောက်ကို တွေ့ လိုက်ရတယ်။ ဒီကလေးမလေးကို သူတို့ အရင်ကလည်း မကြာခဏဒီနားမှာ တွေ့ ဖူးကြပုံပဲ။ ဒါကြောင့်လည်း သူတို့ နှစ်ယောက်က အသိတွေအလား ထိုကလေးမလေးကို ကြည့်နေကြတယ်။ ထိုညက အေးစက်လွန်းတယ်။ ဒီလိုအေးစက်လွန်းတဲ့ညတစ်ညမှာ ဒီကလေးမလေးက ဘာကြောင့် အိမ်ရှေ့ မှာ ထွက်ရပ်နေရတာလဲ။ ဒါနဲ့ သူတို့ နှစ်ယောက်ထဲက အရွယ်ရောက်တဲ့ လူကြီးဖြစ်သူက ဆုံးဖြတ်ချက်တစ်ခုကို မြန်မြန်ချလိုက်တယ်။ ပြီးတော့ ထိုကလေးမလေးကို သူတို့ နဲ့ အတူခေါ်ဆောင်သွားကြတယ်။
.

သူတို့ သုံးယောက် အိမ်ပြန်ရောက်ကြတော့ ကျွန်တော်တို့ ပရိသတ်တွေကို ထိုမိသားစုတစ်စုလုံးနဲ့ ဇာတ်ကားက မိတ်ဆက်ပေးလိုက်တယ်။ စောစောက ကျွန်တော်တို့ စတွေ့ ခဲ့တဲ့သူနာမည်က Osamu ။ သူက ဆောက်လုပ်ရေးတစ်ခုမှာ အလုပ်ကြမ်းသမားအဖြစ် လုပ်ကိုင်နေတဲ့သူ။ ပြီးတော့ ဆိုင်တွေမှာ သူခိုးယူလို့ ပါလာတဲ့ ပစ္စည်းတစ်ချို့ ကိုလည်း သူ့ အလုပ်က တစ်ခြားအလုပ်သမားတွေကို ပြန်လည်ရောင်းတဲ့သူ။ သူ့ မိန်းမ ဖြစ်တဲ့အမျိုးသမီးနာမည်ကတော့ Nobuyo ။ သူမကတော့ Hotel တစ်ခုရဲ့ အဝတ်အထည်တွေ လျှော်တဲ့နေရာမှာ လုပ်တယ်။ ပြီးတော့ သူမလျှော်ဖွတ်တဲ့ အဝတ်တွေထဲက ပစ္စည်းတွေကိုလည်း လစ်ရင်လစ်သလို ခိုးယူပြီး အိမ်ကို ပြန်ယူလာတတ်တယ်။ နောက်ထပ် ကျွန်တော်တို့ တွေ့ ရတဲ့ အမျိုးသမီးငယ်လေးတစ်ယောက်ကတော့ Aki ဖြစ်ပြီး သူမကတော့ ထိုမြို့ က မကောင်းတဲ့ နေရာတစ်ခုဖြစ်တဲ့ Peep show လိုနေရာမျိုးတစ်ခုမှာ အလုပ်လုပ်ပြီး သူမလည်း ဒီလူတွေအတွက် တတ်နိုင်တဲ့ဘက်က ထောက်ပံ့နေတဲ့ အမျိုးသမီးလေးတစ်ယောက်။ Osamu နဲ့ အတူ ပထမဇာတ်ဝင်ခန်းမှာ ကျွန်တော်တို့ တွေ့ ခဲ့ရတဲ့ ကောင်လေးနာမည်ကတော့ Shota ဖြစ်ပြီး သူ့ ကိုလည်း Osamu တို့ က တစ်နေရာက ခေါ်ယူမွေးစားခဲ့တာ။ သူလည်း အခုတော့ Osamu တို့ နဲ့  အတူ ဆိုင်တွေမှာ ခိုးယူအလစ်သုတ်တတ်နေပြီ။ နောက်ဆုံးတစ်ယောက်ကတော့ သူတို့ အားလုံးနေထိုင်နေကြတဲ့ ထိုအိမ်ကြီးကို ပို်င်ဆိုင်တဲ့ Hatsue ဆိုတဲ့ အဖွားအိုတစ်ယောက်။ ထိုအဖွားအိုကတော့ သေဆုံးသွားပြီဖြစ်တဲ့ သူမခင်ပွန်းရဲ့ အစိုးရထောက်ပံကြေးကို ယူပြီး ထိုအုပ်စုတစ်စုလုံးကို တတ်နိူ်င်တဲ့ဘက်က ထောက်ပံ့ကျွေးမွေးနေတဲ့ အဖွားအိုကြီးတစ်ယောက်။ အခုတော့ သူတို့ အားလုံးအတွက် ကျွေးမွေးစရာ ပါးစပ်ပေါက်လေးတစ်ပေါက်က တိုးလာပြီ။ အမှန်တော့ ထိုကလေးမလေးကို ပြန်ပို့ ဖို့ အစက သူတို့ ကြိုးပမ်းခဲ့ကြပါသေးတယ်။ ဒါပေမဲ့ ပြန်သွားပို့ တုန်းက ထိုကလေးမလေးတို့ အိမ်မှာ ဆူညံ့တဲ့ရန်ဖြစ်တဲ့အသံတွေကြောင့် သူတို့ ထိုကလေးမလေးကို ပြန်ခေါ်လာကြပြီး ခိုးမွေးစားဖို့ သူတို့ ဆုံးဖြတ်ခဲ့ကြတယ်။ မှန်လား။ မှားလား။ စာဖတ်သူတို့ ဘယ်လိုထင်ကြသလဲ။ မေတ္တာတရား ငတ်မွတ်နေတဲ့ ကလေးကို မေတ္တာတရားတွေခေါင်းပါးတဲ့ နေရာကနေ သူတို့ ကယ်ထုတ်ခဲ့ကြတယ်။ ဒါပေမဲ့ ဒါဟာလည်း ခိုးယူခြင်းတစ်မျိုးဖြစ်နေပြန်တယ်။
.

Nobuyo နဲ့ Osamu တို့ နှစ်ယောက်ကတော့ သူတို့ ရဲ့ လုပ်ရပ်တွေကို ဘာနဲ့ အကာအကွယ်လုပ်ကြသလဲဆိုတော့ ပိုက်ဆံတောင်းယူဖို့ ရည်ရွယ်ချက်မရှိတဲ့အတွက် ဒီလုပ်ရပ်ဟာ လူသားတစ်ယောက်ကို ခိုးယူပြန်ပေးဆွဲခြင်းမမည်ဘူးလို့ ကိုယ့်ဘာသာ ဆင်ခြေပေးကြတယ်။ Osamu က ခိုးယူခြင်းနဲ့ ပတ်သက်ပြီးတော့ Shota ကိုလည်း ဘယ်လိုသင်ကြားပေးသလဲဆိုတော့ ဈေးဆိုင်တွေထဲက ပစ္စည်းတွေဆိုတာ ဘယ်သူမှမပိုင်သေးတဲ့ပစ္စည်းတွေဖြစ်တာကြောင့် ခိုးယူခွင့်ရှိတယ်။ ခိုးယူတယ်လို့ လည်း အထမမြောက်ဘူးလို့ သင်ကြားပေးတယ်။ ပြီးတော့ သူတို့ ပစ္စည်းအနည်းငယ်ခိုးယူမှတွေကြောင့်လည်း ထိုဆိုင်ပိုင်ရှင်တွေဟာ စီးပွားမပျက်သွားဘူးဆိုပြီး သင်ကြားပေးတယ်။ ယခုဇာတ်ကားတစ်ကားလုံးဟာ အခုလိုမျိုး မသေမချာမကွဲပြားတဲ့ အချက်တွေနဲ့ ပြည့်နေတယ်။ အထူးသဖြင့် ဒီဇာတ်ကားရဲ့ နာမည်ကျော် quotes တစ်ခုဖြစ်တဲ့ “Does giving birth to someone automatically make you a mother?” မေးခွန်းမျိုးကို အဓိကထား မေးသွားတယ်။ မိသားစုဆိုတာဘာလဲ။ သွေးတော်သားစပ်တယ်ဆိုတာနဲ့ မိသားစုဆိုတာ ဖြစ်သွားကြတာလား။ သွေးမတော်သားမစပ်ပေမဲ့ ကိုယ့်ကိုကျွေးမွေးပြုစုစောင့်ရှောက်ပြီး ကိုယ်နဲ့ နေပူပူ မိုးရွာရွာ အေးအတူပူအမျှ ဒုက္ခတွေရော၊ သုခတွေပါ ဝေမျှပေးတဲ့ လူသားတွေက မိသားစုဆိုတဲ့ ဝေါဟာရနဲ့ ပိုထိုက်တန်နေသလား။ စာဖတ်သူရော ဘယ်လိုမြင်ပါသလဲ။ သင့်ရဲ့ အမြင်ကို အခု comment box မှာ သင်ရေးသွားနိုင်ပါတယ်။
.

Hirokazu Kore-eda ဆိုတာ ယနေ့ ဂျပန်နိုင်ငံရဲ့ ရုပ်ရှင်လောကမှာ လေးစားထိုက်တဲ့ ပုဂ္ဂိုလ်တစ်ယောက်ပါ။ သူဟာ After Life တို့ Nobody Knows တို့  Like Father, Like Son တို့ After the Storm အစရှိတဲ့ဇာတ်ကားတွေနဲ့ အောင်မြင်လာတဲ့ ဒါရိုက်တာတစ်ယောက်။ Hirokazu Kore-eda က ဒီဇာတ်ကားထဲမှာ ဒီလူသားတွေရဲ့ နာကျင်မှုတွေကို ယူပြီး ချစ်ခြင်းမေတ္တာကို သရုပ်ဖော်ပြထားခဲ့တယ်။ သူတို့ တွေအားလုံးဟာ တစ်ယောက်မှ သွေးသားမတော်စပ်ကြဘူး။ တစ်ယောက်ရှာလို့ ရတဲ့အရာကို အားလုံးအတွက် အားလုံးက သုံးကြတယ်။ သူတို့ မှာ ကိုယ်ပိုင်ဆိုတာ မရှိဘူး။ ဘဝကြီးဟာ ကျဉ်းကျပ်ပေမဲ့ စ်ိတ်ချမ်းသာစရာတွေနဲ့ ပြည့်နှက်နေတယ်။ ဒီအမိုးအောက်လေးတစ်ခုမှာ သူတို့ မေတ္တာတွေ ရှင်သန်ခဲ့ကြတယ်။ Hirokazu Kore-eda ကို ဝေဖန်ရေးဆရာတွေနဲ့ ကမ္ဘာအနှံ့ က ရုပ်ရှင်ချစ်သူတွေက ဂျပန်နိုင်ငံရဲ့ နာမည်ကျော်ရုပ်ရှင်ဖန်တီးသူတွေဖြစ်ကြတဲ့ Yasujirō Ozu နဲ့ Mikio Naruse နဲ့ နှိုင်းပြီး 21st ရာစုရဲ့ Ozu လို့ တောင် ခေါ်ဆိုနေကြတယ်။ တစ်ချို့ ဆို သူ့ ကို နာမည်ကျော် Bicycle Thief ဇာတ်ကားကိုရိုက်ကူးခဲ့တဲ့ အီတလီဒါရိုက်တာကြီး Vittorio De Sica နဲ့ လည်း နှိုင်းရလောက်တဲ့အထိ ချီးမွမ်းကြပြန်တယ်။ Hirokazu Kore-eda ရဲ့ နောက်ပိုင်းဇာတ်ကားအများစုမှာ မိသားစုဆိုတဲ့ ဝေါဟာရရဲ့ အဓိပ္ပာယ်ကို နည်းလမ်းမျိုးစုံကနေ ဖော်ပြထားနေတယ်ဆိုတာ ကျွန်တော်တို့ မြင်နိုင်တယ်။ ယခုဇာတ်ကားရဲ့ နောက်ဆုံးပိုင်း ဇာတ်ဝင်ခန်းတွေဟာ 2018 အတွက် အကောင်းဆုံးဇာတ်ဝင်ခန်းတွေလို့ တောင် ပြောရလောက်တဲ့အထိ ကောင်းမွန်လွန်းခဲ့တယ်။ Hirokazu Kore-eda ရေးဖွဲ့ ရိုက်ကူးခဲ့တဲ့ ယခုဇာတ်လမ်းက စိတ်ကူးယဉ်ဆန်လွန်းတဲ့ဇာတ်လမ်းတော့ မဟုတ်ဘူး။ ဥပဒေဆိုတာ အမြဲရှိနေတယ်။ ထိုမိသားစုတစ်စုလုံးဟာ သူတို့ လုပ်ခဲ့တဲ့လုပ်ရပ်တစ်ခုက ဥပဒေကို ချိုးဖောက်နေခဲ့တဲ့အတွက် ထိုအပြစ်ဒဏ်ဟာ ကျော်သွားခဲ့မှာလည်း မဟုတ်သလို မမြင်ချင်ယောင် ဆောင်နေခဲ့မှာလည်း မဟုတ်ဘူး။ ကျွန်တော်တို့ ပရိသတ်တွေဟာ မဖြစ်နိုင်တာတွေကို တန်းတကြတယ်။ ဥပဒေတွေက သူတို့ ကို မမြင်ကြပဲ ပုံပြင်တွေရဲ့ အဆုံးသတ်ကစကားလို တစ်သက်လုံးပျော်ရွှင်စွာ နေထိုင်သွားကြတယ် ဆိုတာကို ကျွန်တော်တို့ တွေ မျှော်လင့်ခဲ့ကြတယ်။ မသိစိတ်ကရော၊ သိစ်ိတ်ကပါ တောင်းတခဲ့ကြတယ်။ ဒါပေမဲ့ ဆုတောင်းပြည့်ခဲ့သလား မပြည့်ခဲ့သလားဆိုတာကိုတော့ ပရိသတ်တွေ နောက်တော့ ပရိသတ်တွေ သိလာကြရတယ်။
.

ဒါရိုက်တာက လူသားဆန်လွန်းတဲ့ လူသားတစ်ယောက်ဖြစ်မယ်။ ဒါကြောင့် ကြီးမားကျယ်ပြန့် တဲ့ လူ့ ဘောင်အဖွဲ့ အစည်းကြီးတစ်ခုထဲမှာ အနည်းငယ်ပဲရှိတဲ့လူတစ်စုရဲ့ ပေါင်းစည်းခြင်းတွေနဲ့ မိသားစုဆိုတဲ့ ခံစားချက်တွေက သူတို့ ဘဝတွေရဲ့ ဆင်းရဲခြင်းတွေ၊ ဒုက္ခတရားတွေကို ကျော်လွှားနိုင်သလဲဆိုတာ တင်ပြထားတယ်။ စာဖတ်သူ ဒီဇာတ်ကား ကြည့်နေရင်းနဲ့ မျက်ရည်မဝဲပဲ မနေနိုင်ပါဘူး။ ဒီဇာတ်ကားကို ကြည့်ပြီး စာရေးဆရာကြီး John Steinbeck ရဲ့  Tortilla Flat နဲ့ ပူပူနွေးနွေးဖတ်ထားတာဖြစ်တဲ့ ဆရာမစမ်းစမ်းနွဲ့ (သာယာဝတီ) ရဲ့ ခေါက်ထီးလေးမလုံ့ တလုံ့  ဝတ္ထုတွေကို ကျွန်တော်သွားပြန်သတိရမိခဲ့တယ်။ သူတို့ လူတစ်စုဟာ အကောင်းဆုံးတွေ လုပ်ချင်လုပ်ခဲ့ကြမယ်။ ဒါပေမဲ့ အဆိုးဆုံးတွေ ဖြစ်လာခဲ့တာကို သူတို့ ရိပ်မိသွားကြတဲ့ အချိန်မှာတော့ နောက်ကျလွန်းနေခဲ့ပြီလေ။
.

RT: 99%

~WH~